ሰብሳቢ

• የሰንበት ትምህርት ቤቱን የአባላትና የስራ አስፈጻሚ ጉባኤ ስብሰባ ይመራል፡፡
• ከሰበካ ጉባኤ ጽሕፈት ቤትና ከሰንበት ትምህርት ቤት ማደራጃ መምሪያ የሚተላለፉ ውሳኔዎችን ያሳውቃል፣ያስፈጽማል፡፡
• በልዩ ልዩ ጉዳዮች ላይ ሰንበት ትምህርት ቤቱን ወክሎ ይገኛል ፤ ካልተገኘም ሌሎች የስራ አስፈጻሚዎችን መወከል ይችላል፡፡
• በስብሰባ ጊዜ ድምጽ እኩል ሲሆን ሰብሳቢው የወሰነው ውሳኔ ይጸድቃል፡፡
• ሰንበት ትምህርት ቤቱን ወክሎ የተለያዩ ውሎችን ይዋዋላል፡፡
• ከጸሐፊው ጋር በመነጋገር አጀንዳዎች እንዲያዙ ያደርጋል፡፡
• ወደ ሰንበት ትምህርት ቤቱ የሚመጡ ደብዳቤዎችን ተቀብሎ ምላሽ ይሰጣል፤ይመራል፡፡
• በከፍተኛ የሒሳብ ሰነዶች ላይ ይፈርማል፡፡
• እስከ አንድ ሺ ብር ወጪ እንዲያደርግ ጸሐፊውን መወከል ይችላል፡፡
• ዓመታዊ እቅዶችን ተወያይቶ ያጸድቃል ፡፡

የወቅቱ የሰንበት ት/ቤቱ ሰብሳቢ፡
ሳህለጊዮርጊስ ተስፋዬ

ምክትል ሰብሳቢ

• ሰብሳቢው ባልተገኘበት ጊዜ ሙሉ የሰብሳቢውን ሀላፊነት ይወስዳል፡፡
• ሰብሳቢው የሚሰራውን ስራ ያግዛል፡፡
• የጽሕፈት ቤቱን እንቅስቃሴ ይከታተላል፡፡

የወቅቱ የሰንበት ት/ቤቱ ም/ሰብሳቢ፡
አዲሱ መኳንንት

ጸሐፊ

• ከሰብሳቢው ጋር ሆኖ አጀንዳ ያዘጋጃል
• በሰንበት ትምህርት ቤቱ ጠቅላላ ጉባኤና በስራ አስፈጻው ጉባኤ ስብሰባ ላይ ቃለ ጉባኤ ይይዛል፤ ያስፈርማል፡፡
• እቅዶችን በማስታወስ ተፈጻሚ ያደርጋል፡፡
• ሰብሳቢውና ምክትል ሰብሳቢው በማይገኙበት ጊዜ ወክሎ ይሰራል፡፡
• የስራ አስፈጻሚውን ውሳኔ ለሚመለከተው አካል በቃልና በጽሑፍ ያሳውቃል፡፡
• የሰንበት ትምህርት ቤቱን ገቢና ወጪ ደብዳቤ በአግባቡ ይቆጣጠራል፤ ይሰንዳል ፡፡
• የጽሕፈት ቤቱን ንብረቶች በአግባቡ ይይዛል ጉድለቶቹን አጥንቶ፤ ግዢ እንዲፈጸም ያደርጋል፡፡
• ወደ ሰንበት ትምህርት ቤቱ የሚመጡ እንግዶችን ያስተናግዳል፤ጉዳያቸውን ያስፈጽማል፡፡
• ደብዳቤዎችን ያዘጋጃል፤ የሰንበት ትምህርት ቤቱን አሰራር የሚያፋጥኑ ልዩ ልዩ ቅጾችን ያዘጋጃል፡፡
• በመደበኛ ጠቅላላ ጉባኤና በሰንበት ትምህርት ቤቱ ዓመታዊ ጉባኤ ላይ ዓመታዊ የእቅድ አፈጻጸም ሪፖርት ያቀርባል፡፡
• በስብሰባ ጊዜ ሰብሳቢው በተወሰነው ጊዜ ጀምሮ እንዲፈጽም ያደርጋል (የስብሰባ ሰዓት ይቆጣጠራል) ፡፡
• ሰብሳቢው ውክልና ሲሰጠው እስከ 1000 ብር ወጪ ማድረግ ይችላል፡፡
• የክፍላት ተጠሪዎች ዕቅድ ና ሪፖርት በጊዜው እንዲያስገቡ ያደርጋል፡፡

የወቅቱ የሰንበት ት/ቤቱ ጸሐፊ፡
ዲ/ን ብርሃን ሰማው